Kawlgam ah ta nih sang aa tamzaw neihding kikham

Kawlgam mualtung gamke ahi Zakhai(Rakhine) state aa om Muslim Rohingya leh Buddhist kikal kitot na kilem lo na aomkhit ciang in thunei te in Muslim Rohingya te pen ta nih sang aa tamzawneih ding khamsak uhhi.
Gamsung thunei te in ta neihding zah ciangtanna pen Bangladesh gam gigei, Muslim tampitak aomna khua nih ah hih thukhun zatding hi ci in gen hi. Hih khuanih tea hi Buthidaung leh Maungdaw a aom mi 95% pen Muslim vive ahi uhhi.
Rakhine gam thutawhkisai agen khia tavuan nei, Win Myaing in biakna nih aum tekikal ah buaina anei den uhpen buaina om nawnloh nading in commission kiphuan in tuate in pan la innasem uhhi ci hi. Hih te sung ah Muslim mimal apunna na pan in apun nawn loh nading in ta tawmtawm neih ding cih zong kihel hi ci hi. Tuaban ah Rakhine gam sung ah buaina acing akem kumpi nasem palik galkap tezong behlap ding sawm uhhi.
Win Myaing in "Rohingya Muslim pun na tam na pen Buddhist pawl atam na zah sawm in tamzaw hi ci in atam nasiat luat hang in buai na apian na bul pi ahihi ci hi. Source: vanglaini
Timothy Naulak